نشست مشورتی کابل؛ سفیر تاجیکستان: نیروهای افغان مرزهای مشترک را امن نگه داشتهاند
سفیر تاجیکستان در نشست مشورتی افغانستان و کشورهای آسیای میانه در کابل گفت که نیروهای افغان مرزهای مشترک را امن نگه داشتهاند.
به گزارش خبرگزاری استقامت، سعدی شریفی، سفیر جمهوری تاجیکستان در افغانستان، امروز یکشنبه، ۱۶ حمل در نشست مشورتی افغانستان و کشورهای آسیای مرکزی تأکید کرد که حفظ امنیت افغانستان همچنان در صدر اولویتهای سیاست خارجی دوشنبه قرار دارد.
وی با قدردانی از تلاشهای نیروهای امنیتی افغانستان افزود که این نیروها با همکاری همسایگان، مرزهای مشترک را به خوبی امن نگه داشتهاند و این اقدام نقش مهمی در ثبات منطقهای ایفا کرده است.
سفیر تاجیکستان همچنین از نشست اخیر پاکستان و افغانستان در چین حمایت کرد و گفت تمامی اختلافات باید صرفاً از راههای صلحآمیز حل شود.
گفتنی است نشست مشورتی کابل با حضور مقامهای ارشد کشورهای آسیای مرکزی امروز در حال برگزاری است و تمرکز اصلی آن بر تقویت همکاریهای سیاسی، اقتصادی و ترانزیتی میان افغانستان و همسایگان شمالی عنوان شده است.
