وزرای خارجه طالبان و تاجیکستان بر تقویت امنیت مرزی و همکاری اقتصادی توافق کردند

وزارت امور خارجه طالبان اعلام کرد که امیرخان متقی و سراج‌الدین مهرالدین، وزرای خارجه این گروه و تاجیکستان، در گفت‌وگوی تلفنی بر گسترش روابط سیاسی، همکاری‌های اقتصادی و هماهنگی امنیتی تأکید کردند.

به گزارش خبرگزاری استقامت، متقی با محکوم کردن حملات اخیر در تاجیکستان که منجر به کشته شدن شهروندان چینی شد، آن را تاسف‌بار خواند و آمادگی کامل کابل را برای تحقیقات مشترک و اقدامات هماهنگ علیه «عناصر شرور» اعلام کرد.

وزیر خارجه تاجیکستان نیز از تعامل مثبت با حکومت طالبان حمایت کرد و بر ادامه تماس‌های منظم نیروهای مرزی و نشست‌های کمیته مشترک امنیتی توافق شد تا روابط دوجانبه از دخالت «حلقات مغرض» مصون بماند.