دیدار ترامپ با رییسجمهور تاجیکستان در کاخ سفید
دونالد ترامپ، رییسجمهور امریکا با امامعلی رحمان، همتای تاجیکستانی خود در کاخ سفید دیدار و در مورد امنیت منطقه و تاجیکستان گفتوگو کرده است.
به گزارش خبرگزاری استقامت، رییسجمهور امریکا روز جمعه(۱۶ عقرب) با رهبران کشورهای آسیای مرکزی در کاخ سفید دیدار و گفتوگو کرد.
وزارت خارجهی تاجیکستان اعلام کرده که در دیدار امامعلی رحمان با دونالد ترامپ در مورد مبارزه با تروریسم، افراطگرایی و قاچاق مواد مخدر بحث و گفتوگو صورت گرفته است.
در خبرنامه وزارت خارجه تاجیکستان آمده که در جریان گفتوگو بر تقویت همکاری اقتصادی و گسترش تجارت با ایالات متحده تأکید شده است.
رییس جمهور تاجیکستان گفته که در حال حاضر ۷۰ شرکت امریکایی در دوشنبه فعالیت میکنند.
رییسجمهور تاجیکستان در این دیدار افزوده است: «با یادآوری پیشرفتها و نتایج همکاریهای دوجانبه در زمینه صنعت در تاجیکستان، از جمله استخراج و فرآوری مواد معدنی، به ویژه فلزات نادر، طرفین گسترش چنین همکاریها را به نفع هر دو طرف دانستند.»
براساس گزارشها، امریکا در تلاش است نفوذ خود را بر کشورهای آسیای مرکزی افزایش دهد؛ مناطقی که پیش از این تحت سلطه روسیه بوده و همچنان مورد توجه چین هستند.
گفتوگوهای طالبان و پاکستان در استانبول بدون نتیجه پایان یافت
